Vetements لأسبوع الكوتور في باريس

الجمعة، 20 مايو، 2016

ماركة Vetements تعرض في أسبوع باريس للأزياء الراقية 


أعلنت The Chambre Syndicale de la Haute Couture اللي تعتبر الجهة المنظّة لجدول أسبوع الموضة للأزياء الراقية - الكوتور في باريس أن ماركة Vetements الفرنسية رح تكون من ضمن الضيوف اللي رح يقدمون عروض خاصة خلال أسبوع الموضة اللي حيقام في يوليو المقبل.


إذا كنتم ما تعرفون ماركة Vetements (تنطق فيتمو) فهي من أكثر دور الأزياء انتشاراً في هذي الفترة، مؤسسها هو مصمم بالينسياغا الجديد ديمنا فيساليا اللي قدّم أو مجموعاته لدار بالينسياغا Balenciaga في خريف وشتاء 2016، ونال فيها رضا محبين الدار والنقاد اللي عبرو عن إعجابهم بالمجموعة. 

Vetements عرفت أكثر شي بتصاميمها اليومية، تي-شيرتات و جينزات عاديّة عليها شعارات و عبايات لافتة غالباً، هذا الشي اللي يخلي أزياءها موسمية إلى حد ما، زي مثلا تي-شيرت DHL -اللي في الصوره- انتشر بشكل كبير في إطلالات street style هذا الموسم، أتوقع لو شفناه السنة الجاية حيكون شي قديم وراحت عليه، هذي هي بصمة Vetements في الملابس وهذا سبب نجاها، لذلك جاء خبر استضافتهم في أسبوع الكوتور مفاجئ، ماعندي توقعات إيش رح نشوف بصراحة بس قرّب شهر يوليو ورح نشوف بنفسنا.

أزياء الكوتور بالعموم ما عادت زي زمان، بعد ما كانت فساتين و أزياء مبتكرة وبتفاصيل ملكية صارت أقرب للملابس الجاهزة بتصاميم بسيطة حتى لو ضمّت تطريز و شغل يدوي متقن، ديور Dior صارت تعرض فساتين فصيرة وشورتات وكارل لاغيرفيلد غيّر أسلوب الأزياء الراقية اللي كنا نشوفه زمان من شانيل Chanel ، ومن جهة ثانية الملابس الجاهزة صارت تقترب أكثر للملابس الرياضية، وصار عادي جداً تطلعين بالليغينغ في لوك يومي بدون ما أحد يستنكره، وهذا اللي خلا الماركات تتجه للملابس الرياضية في الفترة الأخيرة لو لاحظتو.

شوفو تصاميم Vetements في الصور و شاركوني رايكم.

اعرفي الفرق بين الملابس الجاهزة و أزياء الكوتور من هنا >> أسئلة و أجوبة عن أسبوع الموضة




















DESIGNED BY ECLAIR DESIGNS・POWERED BY BLOGGER