ايش الدارج في فساتين السهرة 2013 ؟

السبت، 16 مارس، 2013

ايش الدارج في فساتين السهرة 2013
 
 
السلام عليكم

تجيني أسئلة كثيرة عن فساتين السهرات .. كثير بنات عندهم مناسبات في الفترة الجاية و ويحتارون في الفستان ما يدون ايش الدارج والمنتشر هالفترة
اليوم رح أتكلم عن الأشياء الدارجة في فساتين السهرات في سنة 2013 .. ظهرت هالتريندات في عروض 2013 وفي طلّات النجمات في موسم الحفلات لهذا العام.

الأزياء اللي رح أعرضها كلها ظهرت في موسم الأزياء الراقية ربيع وصيف 2013 . أو في مواسم الصيف والشتاء للملابس الجاهزة  2013 . واذا حابين تشوفون أكثر زورو هذا البوست
 150 فستان مع عروض 2013 اختاري منها اللي يعجبك

نبدأ:

 اللونين الأبيض والأسود 

مو بس في السهرات حتى في الملابس الجاهزة .. الأبيض  والأسود يمكن أكبر تريند لهذي السنه شفناه في عروض
 مختلفة زي    Dior  , Chanel  ,Giambattista Valli حتى ايلي صعب وغيرهم كثير
 

Dior



Giambattista Valli



 أبرز الألوان على السجادة الحمراء

اللونين الأحمر و الكحلي لفتو انتباهي على السجادة الحمراء في شهرين يناير وفبراير , كانو أبرز وأجمل لونين ظهرو في اطلالة النجمات .. كمان اللون الوردي الباهت برضو شوفوا الصور
اللون الأخضر الزمرّدي هو لون عام 2013 وأتوقع نشوفوه كثير في الفساتين والأكسسوارات وحتى المكياج

جينيفر انيستون

ريس ويذرسبون

جينيفر لورنس



  الميتاليك 

الألوان المعدنية الفضي الذهبي البرونزي وحتى الميتاليك الملونة برضو زي الأزرق والروز قولد وكذا .. دارجة في الفساتين والملابس وكل شي .. اذا مو مستعدّة تلبسين هذي الألوان كملابس ممكن تدخلينها على طلتك في الإكسسوارات زي الأحذية و الإكسسوارات


ستايسي كيبلير
جينيفر غارنر
جينيفر جودوين





 تنانير شفافة 

الموسم الماضي كان الدارج هو الأكمام الشفافة .. هذا الموسم أغلب المصممين أظهروا جزء صغير جداً شفاف من التنورة . شوفي الصور

stephane rolland

Elie Saab
Dior

Valinteno



giambattista valli


  الرافلز والكشكشات

الرافلز ظهرت في عروض أزياء كثيرة للصيف كان أبرزها Gucci و Balenciga . شوفي الصور

Gucci

Elie Saab


  البنطلون في فستان السهرة
ادري بتستغربون وما اتوقع هالتصميم يدرج في سهراتنا بس  ظهر عند مصممين كثير شوفوا الصور


naeem khan
 
giambattista valli

Marchesa


هذي أبرز الإتجاهات اللي ظهرت في فساتين السهرة لهذا الموسم .. اختاري منها اللي يعجبك :)

هناك تعليقان (2):

  1. اخر ترند اللي هي بنطلون في فستان سهرة كانت موجودة قبل سنين .. للحين ببالي فستان ذيك البنت
    حلوووو كـ موديل بس يبيله جراءة و ثقة
    .. حبيت مدونتك مررة جميلة و ممتعة الله يعطيك العافية

    ردحذف

DESIGNED BY ECLAIR DESIGNS・POWERED BY BLOGGER